काठमाडौं । नेकपाका अध्यक्ष प्रचण्ड बिहीबार भारत भ्रमण जाँदैछन् । उनी ३ बजे भारत प्रस्थान हुने जनाइएको छ । र, उनी २४ गते स्वदेश फर्कने तालिका रहेको उनको निजि सचिवालयले जनाएको छ ।

प्रचण्ड भारतमा रहँदा औपचारिक भन्दा अनौपचारिक कार्यक्रममा बढी व्यस्त रहने श्रोतले जनाएको छ । उनी भाजापका मुख्य नेता तथा भारतीय बुद्धिजीविसँग पनि भेटावार्त गर्ने जनाइएको छ । र, भारतीय परराष्ट्रमन्त्री सुष्मा स्वराजसँग पनि भेटघाट गर्ने कार्यक्रम तय भएको जनाइएको छ ।

प्रचण्डको यो भ्रमणलाई बेमौसमे भ्रमण भनेर हेर्न थालिएको छ । उनी विमष्टेक बैठक सकिएको एक हप्ता लगत्तै भारत भ्रमण जानु चासोको विषय भएको एक जना राजनीतिक विश्लेषकले जानकारी दिए । उनका अनुसार प्रचण्डको भारत भ्रमण सत्ता समिकरणसँग जोडिएको दाबी गरे । उनले भने प्रधानमन्त्री ओलीसँग उनले २ वर्षपछिको सत्ता बार्गेनिङ गरेका भए पनि अब त्यो भन्दा पहिले नै सत्ता परिवर्तन हुन सक्ने दाबी गरे ।

प्रधानमन्त्री ओली जनचहाना अनुसार काम गर्न नसकेपछि पार्टी भित्रैबाट आलोचान हुन थालेको छ । प्रचण्ड पछिल्लो समयमा भारतका विश्वास पात्र रहेको जनाइएको छ । प्रधानमन्त्री ओली चाइनतिर ढल्केको आरोप लागी रहेको बेला प्रचण्डको भारत भ्रमण अर्थपूर्ण रहेको जानकारहरु बताउँछन् ।