बुटबल । नेपाली कांग्रेसका सभापति तथा पूर्वप्रधानमन्त्री शेर बहादुर देउवाले स्वतन्त्र प्रेसमाथिको हस्तक्षेप अस्वीकार्य रहेको बताएका छन् । उनले संविधानले ग्यारेष्टि गरेको प्रेस स्वतन्त्रमा कुनै सम्झोता गर्न नसकिने बताएका छन् । कांग्रेसले प्रेस स्वतन्त्रताका लागि सदैव लडिरहने प्रतिबद्धता पनि जाहेर गरेका छन् ।
बुटवलमा बुद्ध टेलिभिजनको ११ औं वार्षिकोत्सवमा उहाँले स्वतन्त्र प्रेस लोकतन्त्रको सौन्दर्य हो भन्नुभयो । सभापति देउवाले बुद्धको दर्शन र शिक्षा टेलिभिजनमार्फत प्रचारप्रसार गर्न आग्रह गर्नुभयो ।
कार्यक्रममा नेपाली काँङग्रेसका सचेतक बालकृष्ण खाँणले प्रदेश नं–५ को राजधानी बुटवल बनाउन जुनसुकै कदम चाल्न आफू तयार भएको उल्लेख गर्दै कसैले पनि बुटवलको राजधानी सार्न सक्दैन भन्नुभयो ।
प्रतिनिधिसभाका सदस्य भरत शाह, नेपाली काँङग्रेसका केन्द्रीय सदस्य चन्द्र भण्डारी, बुटवल उद्योग वाणिज्य सङ्घका अध्यक्ष खिम हमाललगायतले सरकारले सबै क्षेत्रमा कर लगाएर जनतालाई मारमा पारेको विचार व्यक्त गरे ।
