काठमाडौं । संघीय समाजवादी फोरम नेपालले संविधान जारी भएको दिनलाई कालो दिन मनाउने भएको छ । असोज ३ गतेलाई उसले कालो दिन मनाउने घोषणा गरेको छ । सरकारमा सहभागी भए पनि कालो दिन मनाउनुलाई राजनीतिक विश्लेषकले यस कार्यलाई नौटंकी भएको बताएका छन् ।
सङ्घीय समाजवादी फोरम नेपालले सत्ता साझेदार दलहरुसँग संविधान संशोधन गर्ने सम्बन्धमा समझदारी भइसकेको भन्दै तत्काल पार्टीले कालो दिवस मनाउने कुनै निर्णय नगरेको स्पष्ट पारेको छ ।
विज्ञप्तिमार्फत जारी गर्दे संविधानसभाबाट जारी भएको नेपालको संविधानप्रति असहमति, विरोध र फरक धारणा यथावत् रहे पनि पार्टीले कालो दिवस मनाउनेजस्ता कार्यक्रममा सहभागी हुन तत्काल कुनै निर्णय नगरेको जनाएको हो । पार्टीले सङ्घीय लोकतान्त्रिक गणतन्त्र नेपालको स्थापनाका साथै मधेशी, आदिवासी जनजाति, दलित, महिला, खस, थारु, मुस्लिमलगायत शोषित उत्पीडित जनताको पक्षमा सङ्घर्षरत रहँदै आएको विज्ञप्तिमा उल्लेख गरेको छ ।
यसरी सत्ता र सडक पनि उपयोग गर्नुलाई फोरम दोहोरो चरित्रको रुपमा लिइएको छ । यस्तो कार्यले राजनीतिमा विकृति फैलिन सक्ने अनुमान गरिएको छ ।
