आभोलि डेस्क, काठमाडौं । नेपाली कांग्रेसले २०१७ पुष १ गतेलाई सम्झन छोडेको छ । उसको स्मृतिमा पुष १ को त्यो कठिन माहोल अट्न छोडेको छ । राजा महेन्द्रले २०१७ पुष १ गते प्रथम जननिर्वाचित प्रधानमन्त्री बीपी कोइरालालाई अदस्थ गरी जेल हालेका थिए । नेपाल तरुण दलको कार्यक्रममा सहभागी भइरहनुभएका प्रधानमन्त्री बिपी लगायतका नेतालाई त्यहीँबाट गिरफ्तार गरी तीन महीना सिंहदरबार र त्यसपछि सुन्दरीजलमा बन्दी बनाइएको थियो ।

दुई तिहाई बहुमतका जननिर्वाचित प्रधानमन्त्रीलाई जेल हालेको दिनलाई विगतमा कंग्रेसले कालो दिन मनाउने गरेको थियो । नेपलाको विकास आधारशिला तयार भइरहेको समयलाई राजा महेन्द्रले रोकेको दिन हो पुष १ गते । तर समय बदलिएको छ । जसरी कांग्रेसले बीपीको प्रजातान्त्रिक समाजवाद भुल्यो त्यसै गरी कालो दिवसलाई पनि भुलेको छ ।

बरु कांग्रेसीहरुले अचेल राजा महेन्द्रलाई सम्झन थालेका छन् । उनीहरुको स्मृतिमा बीपीको भन्दा राजा महेन्द्रको स्थान पाएको आभास हुन थालेको छ ।

संयोग २०७५ को पुष १ गते नेपाली कांग्रेसले १४ औं महासमितिको बैठक बसिरहेको छ । बैठकमा पार्टीको नीति तथा विधान बारे बहस हुँदैछ । बीपीको प्रजातान्त्रिक समाजवादको पुर्नव्याख्या गर्ने जमर्को गर्दैछ । कार्यकर्ता गुुमराहमा राख्न र आफू बीपीको अनुयायी देखाउन मात्र कांग्रेसीहरु बीपीको नामा लिने गरेका छन् । यसले मात्र बीपीलाई सम्झन बाध्य बनाएको छ ।

देश निर्माणको लागि बीपी लिएको जनमुखी बाटो लिने की नलिने कांग्रेस दोधारमा छ । बीपीले भनेजस्तो पार्टी अहिले सुकिलामुकिलाको दबदबामा भाँसिएको छ । इमानदार तथा त्याग भएको कार्यकर्ता पाखा लागेका छन् ।

बीपीको कांग्रेस ठेकेदारको पार्टीको परिणत भएको छ । संगठन निर्माण तथा नीतिगत बहस भन्दा पनि कोसँग पैशा छ भनेर मूल्यांकन हुन थालेको छ । जसले पार्टीलाई वैचारिक बहसबाट दुर गरिदिएको छ ।

पछिल्लो पुस्तामा पनि पैशा कमाउनुपर्छ राजनीति आफै हुन्छ । अर्थात् पैशा भएका टिकट किन्न सकिहालिन्छ भन्ने मानोवृत्ति पलाएको छ । र, जसरी पनि पैशा कमाउनेतिर लागेको पाइन्छ ।
यसरी कांग्रेसको भविश्यमा नैतिक विचलन आएको छ । पार्टीकोप्रतिको लगाव तथा सम्मान कम हुँदै गएको छ । कांग्रेसी युवाहरु बैचारिक रुपमा निराश भएका छन् । र, उर्जा पनि मर्दै गएको छ ।

वर्तमान नेतृत्वले कार्यकर्तामा विश्वास तथा भरोशा जगाउन सकेको छैन् । नत नविन विचार सम्पे्रषण गर्न सक्यो, नत संगठनलाई आधुनिक ढाँचामा विकास गर्न सक्यो । पार्टी संरचना परम्परागत रुपमा चलेको छ । जहाँ अनुशासन तथा कटिबद्धता छैन् । युवा पार्टीप्रति आर्कषित तथ जिम्मेवारविहीन छन् ।

पार्टी अब पाटी बन्छ की भन्नेमा आशंका जनाएको छ । पार्टीमा विवाद, वैचारिक विचलन, कार्यकर्ताको कम आर्कषण तथा गैरजिम्मेवार नृतत्वले नेपाली कांग्रेस विस्तारै कमजोर हुँदै गएको छ ।