काठमाडौं । नेपाली बजारमा साेमबार सुनको मूल्य सामान्य बढेकाे छ । सुनकाे मूल्य आज २०० ले बढेकाे हाे । गत बिहीबार एकैदिन २ हजार ६ सयले बढेर नयाँ रेकर्ड राखेकाे सुनकाे मूल्य त्यसयता घटबढ भइरहेकाे छ । शनिबार र आइतबार भने बिदाकाे दिन परेकाले काराेबार मूल्य ताेकिएन ।
नेपाल सुनचाँदी व्यवसायी महासंघका अनुसार आज प्रतितोला १ लाख २६ हजार ७ सय रुपैयाँमा सुनको कारोबार भइरहेको छ ।
यस्तै चाँदीको भाउ भने ताेलामा १५ रुपैयाँले बढेको छ । अघिल्लो दिन तोलाको १ हजार ५०० रुपैयाँमा कारोबार भएको चाँदी आज १ हजार ५१५ रुपैयाँमा काराेबार भइरहेकाे छ ।
