काठमाडौं । इलाममा अनशनरत डा. गोविन्द केसीलाई राती नै काठमाडौं ल्याइएको छ । उनलाई काठमाडौं पुगे लगत्तै टिचिङ अस्पताल महाराजगञ्जको आइसियूमा राखिएको छ ।

मुटुमा गम्भिर समस्या आएर अस्थिर भएपछि उनलाई उपचारको लागि काठमाडौं ल्याइएको हो । उनको आन्दोलनमा समर्थन गर्न इलाम पुगेका पूर्वप्रधान न्यायधिश सुशीला कार्की, केदारभक्त माथेमा, दमन नाथ ढुंगाना सहितको टोलीको आग्रहपछि उनी इलाम छोड्न तयार भएका हुन् । काठमाडौं आएप्छि उनी आफू पहिले अनशन बसेको स्थलमा बस्न चाहेका थिए । समर्थकको आग्रहमा आइसियू भर्ना हुन तयार भएको डा. अभिषेक सिहले जानकारी दिएका छन् ।

सरकारले आफूले पहल गरेको दाबी गरेको भए पनि डा. सिहका अनुसार डा. केसीलाई काठमाडौं ल्याउन सरकारले पहल गरेको होइन। डा। केसीलाई समर्थन गर्न र उनको स्वास्थ्य अवस्था बुझ्न बिहीबार इलाम पुगेका पूर्वप्रधानन्यायाधीश सुशीला कार्की, पूर्वसभामुख दमननाथ ढुंगाना, त्रिभुवन विश्वविद्यालयका पूर्वउपकुलपति केदारभक्त माथेमा, वरिष्ठ अधिवक्ता सुरेन्द्र भण्डारी र डाक्टर सिंहको पहलमा उनलाई काठमाडौं ल्याइएको हो।

डा. केसीलाई इलामबाट भद्रपुर एम्बुलेन्समा र भद्रपुरबाट नेपाली सेनाको नाइट भिजनबाट ल्याइएको थियो । डा. केसीलाई बिहान ३ बजे काठमाडौं लाइएको थियो ।
उनको अनशन जारी रहेको समेत जनाइएको छ ।

(फोटो डा. अभिषेक सिह । डा. केसीलाई उपचारका लागि नेपाली सेनाको नाइटभिजनबाट काठमाडौं ल्याइदै ।)