रामेछाप । मन्थली नगरपालीका १ मा बस दुर्घटना हुँदा १ जनाको मृत्यु भएको छ। घटनामा १८ जना भन्दा बढी घाइते भएका छन्।
ओखलढुंगाको घोराखोरीबाट काठमाण्डौंको लागि छुटेको बा ४ ख ४२१० नम्बरको अरनिको यातायात सेवा समितिको यात्रुबाहक बस आज दिउसो रामेछाप जिल्लाकोे मन्थली नगरपालीका १ मच्छेडाडीमा दुर्घटनामा भएको हो।
घटनामा परी मृत्यु हनेमा ओखलढुंगा चम्पादेवी ६ का २५ वषीय ओम कार्की रहेका छन् । केही घाइतेहरुको अवस्था भने गभ्भिर रहेको जिल्ला प्रहरी कार्यलय रामेछापले जनाएको छ । घाईते हुनेहरुमा मन्थली नगरपालीका ५ सुनारपानीका निरज भुजेल, सुनारपानी ५ का १८ वर्षिय अजय भुजेल ,सुनारपानीकै १७ वर्षिय गौतम भुजेल, २१ वर्षीय युनिषा भुजेल ,सुनारपानीका ४८ वर्षीय नारायण कार्की,भक्त वहादुर भुजेल, रामेछापकै ८ वर्षीय सरोज कार्की, मनपा ६ कि ४६ वर्षीय गंगा खत्री रहेका छन् । घाइते हुनेहरु मध्य केहिको अवस्था भने रहेको छ।
छमताभन्दा बढी यात्रु बोकेर तिव्र गतिमा ओरालो तर्फ गुडिरहेको बसलाईं चालकले सुरक्षित अवतरणका लागि अकस्मात कच्चि सानो सडकमा उकालेको र सो क्रममा गाडी डाँडामा पल्टीएको थियो । चालकले ब्रेक फेल भएकाले कालोपत्रेको सडकबाट उकालो सानो बाटोमा बस चढाएको हुदा दुर्घट्ना भएको हुनसक्ने प्रहरीले अनुमान गरेको छ ।
दुर्घटना भएको खबर पाउना साथ सदरमुकाम मन्थलीबाट प्रहरी टोली र उद्धारकर्मी पुगेका थिए । घटनास्थलबाट घाईतेहरुलाई उद्धार गरेर सामान्य घाइतेहरुलााई मान्थलीको तामाकोशी सहकारी जिल्ला अस्पतालमा उपचारका लागि भर्ना गरिएको छ भने केहि गम्भिर घाईतेहरुलाई काठमाण्डौं पठाइएको जिल्ला प्रहरी कार्यालय रामेछापका प्रहरी निरीक्षक रविभुषण यादवले जानकारी दिएको छ। घटनास्थल मन्थली वजार वाट करिव ३ किलो मीटर टाढा रहेको छ।
