बारा: बाराको पसहा खोलमा सवारी दुर्घटनामा बाराका एसपी बलराम पोखरेलको मृत्यु भएको छ। घटनामा परेका प्रमुख जिल्ला अधिकारी गणेश भट्टराईको अवस्था नाजुक रहेको छ।
कर्मचारी मिलन केन्द्र बाराको निजगढको कार्यक्रममा सहभागी भएर पथलैया हुँदै कलैया फर्किन क्रममा एसपी र सिडियो सवार ना १ झ १६३३ नम्बरको स्कार्पिओ पुलमा रोकिराखेको ट्र्याक्टरमा ठोकिएको थियो ।
सिडियो भट्टराईको निजगढमा प्रारम्भिक उपचार पछि थप वीरगंज रिफर गरिएको ईलाका प्रहरी कार्यालय सिमराका प्रहरी निरीक्षक सुवास हमालले बताए । भट्टराईलाई नेपाली सेनाको हेलिकप्टरबाट काठमाडौ लैजाने तयारी भइरहेको छ।
