काठमाडौं । भारतमा भइरहेको हिरो महिला गोल्डकप फुटबल प्रतियोगितामा नेपालले इरानलाई हराएको हो । फुटबलमा निकै बलियो मानिएको इरानी महिला फुटबल टिमलाई नेपाली महिला फुटबल टिमले ३-० ले हराएको छ ।
जीतसँगै नेपाल फाइनलमा पुग्ने सम्भावना बलियो भएको छ । भारतको भुवनेश्वरस्थित कालिङ्गा स्टेडियममा मा भइरहेको खेलमा नेपालले शानदार प्रर्दशन गरेको छ ।
नेपालका लागि खेलको ४१ औं मिनेटमा अनिता बस्नेतले पहिलो गोल गरेपछि अग्रता लिएको हो । त्यसपछि खेलको ५९ र ८९ मिनेटमा नेपालका लागि साबित्रा भण्डारीले २ गोल गरिन् । साबित्राले अहिलेसम्म ४ गोल गरिसकेकी छिन् । तर इरानी टिमले भने एक गोल पनि हान्न सकेन् ।
फिफा बरियतामा नेपाल १०६ औं स्थानमा छ भने इरान ६० औं स्थानमा रहेको छ । अब नेपाल फाइनलमा पुग्नका लागि बुधबार हुने भारत र म्यानमारको खेलको नतिजा कुर्नु पर्नेछ ।
Photo: FIFA
