ऐजेन्सी । भारतीय प्रधानमन्त्री नरेन्द्र मोदीले आइतवार महाकुम्भ मेलामा गंगा स्नान गरेका छन् । उनले विधि अनुसार पाठपूजा पनि गरेका थिए । भीभीआइपीका लागि तयार पारिएको स्थानमा र संगममा उनले गंगा स्नान गरेका थिए ।

६५ वर्ष अघि भारतीय प्रधानमन्त्री जवाहरलाल नेहरुले पनि महाकुम्भमा नुहाएका थिए । त्यसपछि गंगा स्नान गर्नेमा भारतीय प्रधानमन्त्री मोदी हुन् । उनको गंगा स्नान तथा प्रयागराज भ्रमणले भारतीय राजनीतिक वृत्तमा ठूलो चर्चा पाएको छ ।

उनको गंगा स्नान भन्दा पनि उनले प्रयागराजमा ५ जना झाडूवाला कर्मचारीको खुट्टा सफाईले अझ हंगामा मच्चाएको छ । उनले ५ जना सरसफाई कर्मचारीका पहिलो चरण पानीले खुट्टा धोएका थिए । त्यसपछि उनले रुमालले पाँचै जनाको खुट्टा पुछी दिएका थिए ।

स्वच्छ भारत अभियान अन्तगरगत मोदी सफाईवाला कर्मचारीलाई सम्मान गरेको मोदीको निजी श्रोतले जनाएको छ । तर विपक्षी दलहरुले भने प्रधानमन्त्री मोदीको यस कार्यलाई नौटंकीको संज्ञा दिएको भारतीय संचार माध्यमले जनाएका छन्।

हिन्दूहरु भोट आफूतिर तान्नको लागि प्रधानमन्त्री मोदीले यो सबै गरेको प्रतिपक्षी दलहरुले आरोप लगाएका छन् । यस कार्यले मोदीको सामाजिक संजालमा ठूलो आलोचना समेत भइरहेको छ ।

Photo: BJP4India/Twitter