बारा पर्साका हावाहुरी पीडितका लागि प्रदेश एक सरकारले घोषणा गरेको एक करोड सहयोगको चेक हस्तान्तरण गरिएको छ ।
प्रदेश एकका मुख्यमन्त्री शेरधन राइले सोमबार प्रदेश दुईका मुख्यमन्त्री लालबाबु राउतलाई राहत रकमको चेक हस्तान्तरण गरेका हुन् ।
मुख्यमन्त्री तथा मन्त्रिपरिषदको कार्यालयमा आयोजित कार्यक्रममा मुख्यमन्त्री राईले हावाहुरीले निम्त्याएको विपदमा प्रदेश एकले सानो सहयोग गरेर प्रदेश दुईको विपतमा सबै एकजुट रहेको सन्देश दिन खोजेको बताए ।
कार्यक्रममा प्रदेश दुईका मुख्यमन्त्री लालबाबु राउतले प्रदेश एकको सहयोग प्रति आभार व्यक्त गर्दै मुलुक संघीय संरचनामा गएपछि प्रदेश प्रदेश बीचको सहकार्य र सम्बन्धमा मजबुत बनाउने आधार प्रारम्भ गरेको बताए । बारा पर्सामा चैत्र १८ गते आएको हावाहुरीबाट २९ जनाको मृत्यु भएको थियो भने करोडौको धनमालको क्षति भएको छ ।
