प्रहरीले त्रिभुवन अन्तर्राष्ट्रिय विमानस्थलबाट ७ करोड ६७ लाख ९४ हजार रुपैया भारतीय नक्कली नोटसहित तीनजना पाकिस्तानी नागरिकलाई पक्राउ गरेको छ ।
प्रहरीका अनुसार पाकिस्तानी नागरिक नसिरउद्धिन, मोहम्मद अख्तर र नादिया अनवरलाई नक्कली नोटसहित पक्राउ गरिएको हो । उनीहरु तीनैजना कतार एयरवेजबाट त्रिभुवन अन्तर्राष्ट्रिय विमानस्थलमा अवतरण गरेका थिए ।
चेकजाँचका क्रममा उनीहरु पक्राउ परेका हुन् ।उनीहरुको स्वागतका लागि पुगेका युनुस अन्सारी, उनका साला र चालकलाई प्रहरीले अनुसन्धानका लागि नियन्त्रणमा लिएको छ । तीन जना पाकिस्तानी नागरिक इस्लामावादबाट दोहा पुगेका थिए ।
दोहामै नक्कली नोट तयार पारेर नेपाल आएका थिए । प्रारम्भीक अनुसन्धानका क्रममा युनुस नै नक्कली नोट कारोबारका मुख्य योजनाकार हुन सक्ने आशंका प्रहरीको छ ।
