बाजुराको बडी मालिका नगरपालिकाका ५ जना वडाध्यक्षले समितिमा नबस्ने भन्दै सामूहिक राजीनामा पेस गरेका छन् ।
बहुमतको दम्भ देखाएर विधि विपरीत एकलौटी निर्णय गर्ने र समितिका सदस्यलाई समेत जानकारी नदिई मनोमानी गर्ने गरेको भन्दै नेकपाबाट निर्वाचित भएका पाँच जना वडा अध्यक्षले सामूहिक राजीनामा पेस गरेका हुन् ।
वडा नम्बर २ का अध्यक्ष डम्बरबहादुर महतले नगर शिक्षा समिति सदस्यबाट राजीनामा दिएका छन् । वडा नम्बर ३ का अध्यक्ष वीरबहादुर रावलले रोजगार निर्देशक समिति सदस्य, वडा नम्बर ४ का अध्यक्ष सुरेन्द्र नाथले नगर स्तरीय ऊर्जा तथा वातावरण समिति सदस्य, वडा नम्बर ७ का अध्यक्ष धर्मराज पाध्याले श्रोत अनुमान तथा सीमा निर्धारण समिति सदस्य र वडा नम्बर ९ अध्यक्ष विनोदकुमार वि.कले राजस्व परामर्श समिति सदस्यबाट रानजिनामा दिएका हुन् ।
उनीहरूले नगरप्रमुखलाई ध्यानाकर्षण गराउँदै राजीनामा दिएका हुन् ।
ं०००
