स्वास्थ्य उपचारका लागि सिंगापुरमा रहेका प्रधानमन्त्री केपी शर्मा ओलीले दोस्रो मंगलबार पटक मन्त्रीहरुसँग भिडियो कन्फ्रेन्समार्फत मन्त्रिपरिषद बैठक राखेका छन् ।
मंगलबार दिउँसो १ बजेर १० मिनेटदेखि सिंगापुरबाट प्रधानमन्त्री ओलीले कार्यबाहक प्रधानमन्त्रीसहित अन्य मन्त्रीहरुसँग सरकारको कामबारेमा छलफल गरेका हुन् ।
प्रधानमन्त्रीका राजनीतिक सल्लाहकार विष्णु रिमालले प्रधानमन्त्रीले सिंगापुरबाट टेलिप्रिजेन्स प्रविधिमार्फत् दोस्रो पकट आफ्नो क्याबिनेटका सदस्यहरूसँग संवाद गरेको जानकारी दिए ।
’प्रमले दोस्रो चोटी सिंगापुरबाट आफ्नो क्याबिनेटका सदस्यहरुसँग सरकारका कामबारेमा छलफल गर्नुभयो’, रिमालले ट्विट गर्दै भनेका छन्, ’उहाँले आफ्नो उपचारबारे जानकारी दिनुभएको छ। र, मन्त्रीज्यूहरूले आफ्नो कामबारे प्रमलाई अपडेट गर्नुहुने योजना छ।’
