गैरआवासीय नेपाली सङ्घ एनआरएनको निर्वाचनमा सम्भवतः नेपालकै सबभन्दा बढी उम्मेद्वारी दर्ता शुल्क तोकिएको छ ।

सङ्घको बुधबार हुने निर्वाचनमा उम्मेद्वारी दर्ता शुल्क एक लाखदेखि १० लाखसम्म तोकिएको सङ्घका प्रमुख निर्वाचन आयुक्त शिव रिजालले जानकारी दिए।

गत महाधिवेशनमा अध्यक्षको उम्मेदवारको दर्ता शुल्क सात लाख ५० हजार रहेको थियो । गत महाधिवेशनभन्दा यसवर्ष दुई लाख ५० हजार बढाएर १० लाख पु¥याइएको हो ।

अध्यक्षको दर्ता शुल्क रु १० लाख तोकिएको छ भने अन्तर्राष्ट्रिय समन्वय समिति आईसीसी सदस्यको एक लाख तोकिएको छ । उनले सङ्घको भवन बनाउन र गोरखाको लाप्राक नमूना बस्ती बनाउन पैसा आवश्यक भएकाले उम्मेदवारको शुल्क बढाइएको बताए ।

उनका अनुसार उपाध्यक्षको सात लाख, महासचिवको छ लाख, सचिव र कोषाध्यक्षको पाँच लाख, सहकोषाध्यक्षको चार लाख, महिला तथा युवा संयोजकको तीन लाख ५० हजार, क्षेत्रीय संयोजकको तीन लाख ५० हजार, क्षेत्रीय उपसंयोजकको दुई लाख ५० हजार, क्षेत्रीय महिला तथा युवा संयोजकको दुई लाख ५० हजार र आईसीसी सदस्यहरुको एक लाख उम्मेदवार दर्ता शुल्क तोकिएको छ ।

सङ्घको नवौँ नेपाली विश्व सम्मेलन तथा अन्तरराष्ट्रिय महाधिवेशन आजदेखि काठमाडौँमा शुरु भएको छ । ‘म, मेरो एनआरएन र मेरो नेपाल’ भन्ने मूल नाराका साथ शुरु भएको सम्मेलनको राष्ट्रपति विद्यादेवी भण्डारीले उद्घाटन गर्नुरेकि थिईन्। तीन दिनसम्म चल्ने सम्मेलनमा ८१ मुलुकका करीब दुई हजार ५०० प्रतिनिधि सहभागी छन् ।

नयाँ नेतृत्वका लागि कुमार पन्त र कुल आचार्यबीच प्रतिस्पर्धा हुँदैछ । सङ्घको नयाँ नेतृत्वका लागि प्रत्येक दुई÷दुई वर्षमा निर्वाचन हुने गर्दछ । कूल ४२ पदका लागि दिउँसो ३ बजेदेखि साँझ ८ बजेसम्म हुने निर्वाचनमा विद्युतीय यन्त्रबाट मतदान हुनेछ ।

निर्वाचनका लागि आज राति ९ बजेदेखि भोलि बिहान १०ः३० बजेसम्म उम्मेद्वार मनोनयनको समय तोकिएको छ । उहाँले निर्वाचनमा करीब २ हजार ४०० मतदाता सहभागी हुनेछन् ।