नेपाली कांग्रेसले बागलुङको बडिगाड गाउँपालिका ७ भीमगिठेमा जीप दुर्घटना परी मृत्यु भएकाहरुप्रति दुःख व्यक्त गरेको छ ।
कांग्रेस सभापति शेरबहादुर देउवाले दुर्घटनामा मृत्यु भएका १४ जनाप्रति श्रद्धाञ्जली व्यक्त गर्दै घाइतेहरुको शीघ्र स्वास्थ्य लाभको कामना गरेका छन् ।
साथै उनले पछिल्लो समय एकपछि अर्को गर्दै ठूलो दुर्घटना भएको भन्दै तत्काल एक कार्यदल गठन गरी घटनाको छानबिन गर्न सरकारको ध्यानाकार्षण गरेका छन् ।
मंगलबार गुल्मीबाट बागलुङको निसिखोला जाँदै गरेको जीप बडिगाड गाउँपालिकाको भीमगिठेस्थित सडकबाट करिब ५ सय मिटर तल खोलामा खस्दा १४ जनाको मृत्यु भएको बागलुङ प्रहरीले जनाएको छ ।
