सुनकुडा । मौसममा एकाएक आएको परिवर्तनले बझाङका उच्च हिमाली भूभागमा हिमापात शुरु भएको छ । हिजो रातीदेखिको अविरल पानी परेपछि हिमपात शुरु भएको स्थानीले बासिन्दाले जानकारी दिएका छन् । बझाङका स्याडी, देउलेख, सुनुकडा, ज्यापन, बुंगल, भामचौर, काडा लगायतका उच्च पहाडी तथा हिमाली क्षेत्रमा हिमपात शुरु भएको छ ।

हिमपातसँगै जनजीवन कष्टकर बनेको छ । स्थानीय यातायता संचालनमा कठीनाई उत्पन्न भएको छ । हिमपातसँगै विद्यालयको पढाईमा समेत समस्या उत्पन्न भएको छ ।

स्थानीय किसानले भने यो पटक समयमै पानी परेकाले हिउदे बालीमा राम्रो हुने भन्दै खुशी व्यक्त गरे । उच्च लेकाली भागमा आलू लगायतका बाली मध्यपहाडी भागमा गहु जौ लगायतका बाली सप्रिने उनीहरुको भनाई रहेको छ । यसले उत्पादनमा बृद्धि हुनेमा स्थानीय ढुक्क देखिन्छन् ।

बझाङसँगै वैतडी, डडेल्धुरा, डोटीमा पनि भारी हिमपात भइरहेकाले लामो दुरीका यातायतामा कठीनाई संचालन रहेको डडेल्धुरा प्रहरीले जनाएको छ । केही बस तथा ट्रकहरु हिमपातका कारण बाटोमा अलपत्र परेको जनाईएको छ । साथै, कयौ यात्रु अलपत्र परेको स्थानीय व्यवसायीले जनाएका छन् ।

मौसम विभागका अनुसार अझै तीन चार दिन थप पानी पर्न सक्ने जनाएको छ । मौसम चिसिदै गइरहको र हिमपात जारी रहेका बझाङ लगायतका हिमाली जिल्लामा जनवीवन अझ प्रभावित देखिन्छन्